Registrati | Accedi

Autori

Ricerca

Autore:

Titolo:

Genere:


Uno scritto a caso

Analizzando il Non possibile
[scritto]
Massimo Vaj
19.07.2011

LA PICCOLA BALLARINNA

Poesia in dialetto milanese


La se esibiss lassù,

su la ringhera,

la piccola ballarinna.

L’è in de per lee

gh’è no l’orchestra

de la Scala che sona,

ma lee la balla

con la musica di so sogn.

La fa andaa i brasctt

con tanta grazia,

i pescitt se  mœuven

semper a temp.

On vell bianch,

ligaa su a la cintura,

el ghe fa la finta

del tutù.

La fa ona piroetta,

la se piega,

la ciappa in man el vel,

le fa girà…

…lago dei cigni?

…Coppelia?

e in fin on bell inchin

al pubblich che gh’è no.

Come l’è bella,

la piccola ballarinna,

che faccin sorrident,

quasi ispirà.

Quanta innocenza,

quanti sogn…

lassom vegnì con ti,

piccola bllarinna,

fasemm insemma

on piccol “pas de deux”,

lassa che me perda an’mì

in di to sogn…

vœuri  svojà el cervell

e pensà pù ai miseri

de sta vitta  de omm…

famm tornà per on moment

on fiolett che balla

con la morosinna…

balla, balla per mi,

piccola ballarinna.

 


fausto colombo pubblicato il 20.03.2013 [Poesia]


  questo scritto ha 13 preferenze


Commenti dei lettori
Per lasciare un commento Registrati | Accedi